Шрифттин өлчөмү
Аралык
Сүрөттөр
Кыргыз Республикасынын мамлекеттик органдарына
ЖАРАНДАРДЫН ЭЛЕКТРОНДУК КАЙРЫЛУУЛАРЫНЫН ПОРТАЛЫ

2020-жылдын 1-январынан 31-декабрына чейинки мезгилде Кыргыз Республикасынын Өкмөтүнүн Аппаратына 4359 жазуу жүзүндөгү кайрылуу түштү (2019-жылы  4308 кайрылуу келген),

анын ичинде:

- Кыргыз Республикасынын Президентинин Аппаратынан – 479 (11 %), (2019-жылы – 634 (14,7 %);

- Кыргыз Республикасынын Жогорку Кеңешинен – 305 (7 %), (2019-жылы – 756 (17,5 %);

- Кыргыз Республикасынын Премьер-министринин Коомдук кабылдамасында кабыл алынган жарандардын жазуу жүзүндөгү кайрылуулары – 349 (8 %), (2019-жылы – 646 (15 %);

- www.kattar.kg порталы аркылуу түшкөн электрондук кайрылуулар – 330 (7,6 %), (2019-жылы – 510 (11,8 %);

- башка байланыш каражаттары (экспедиция, почта, фельдбайланыш, курьер менен жеткирүү, Кыргыз Республикасынын Өкмөт үйүндөгү корреспонденция ящиги) аркылуу түшкөн кайрылуулар – 2896 (66,4  %), (2019-жылы  –  1762 (40,9 %).

 Жарандардын кайрылуулары республиканын бардык региондорунан, КМШ өлкөлөрүнүн тургундарынан жана алыскы чет өлкөдөн да келип түштү.

Арыз, даттануу жана сунуш төмөнкү шаарлар жана облустардын жарандарынан түшкөн:

- Бишкек шаары  – 1732 (39,7 %);

- Чүй облусу  – 747 (17,1  %);

- Жалал-Абад облусу  – 441 (10,1 %);

- Ысык-Көл облусу  – 407 (9,3 %);

- Нарын облусу – 355 (8,2 %);

- Ош облусу  – 232 (5,3 %);

- Баткен облусу  – 182 (4,2 %);

- Ош шаары  – 132 (3 %);

- Талас облусу  – 102 (2,4 %);

- КМШ өлкөлөрү жана алыскы чет өлкөлөр – 29 (0,7 %).

 

 

Арыз берүүчүлөрдүн негизги контингенти – улгайган пенсиялык курактагы адамдар жана башка социалдык аялуу категориядагы жарандар.

Жарандардын бардык жазуу жүзүндөгү кайрылууларын тематикасы боюнча төмөнкү багыттагы маселелерге бөлүштүрүүгө болот:

- социалдык кызматтардын иши, пенсия, жеңилдиктер, жөлөкпулдар, материалдык жардам көрсөтүү тууралуу  – 489 (11,2 %);

- банк түзүмдөрүнүн, микрокредиттик компаниялардын иши (кредиттердин төлөө мөөнөтүн узартуу же пайыздарын азайтуу)  боюнча – 461 (10,6 %);

- укук коргоо жана коопсуздукту камсыздоо жөнүндө– 323 (7,4 %);

- жер жана турак жай маселелери боюнча – 309 (7 %);

- кадрдык камсыздоо, эмгектик талаш-тартыш маселелери, эмгек акы жөнүндө – 210 (4,8 %);

- агроөнөр жай, дыйкан жана фермердик чарбалардын маселелери жана жерлерди трансформациялоо боюнча – 196 (4,5 %);

- курулуш, архитектура, турак жай-коммуналдык чарба  маселелери жөнүндө – 179 (4,1 %);

-  саламаттык сактоо тууралуу  - 173 (4 %);

- мамлекеттик органдардын жана жергиликтүү өз алдынча башкаруу органдарынын иштери боюнча– 169 (4 %);

- билим берүү жана илим маселелери жөнүндө - 159 (3,7 %);

- башка маселелер – 1691 (38,7 %).

Жогоруда белгиленгендердин негизинде 2020-жылы Кыргыз Республикасынын Өкмөтүнүн Аппаратынын канцеляриясынын жарандардын кайрылуулары секторуна түшкөн жарандардын жазуу жүзүндөгү кайрылуулары өткөн жылга салыштырмалуу дээрлик бирдей деңгээлде болгонун белгилейбиз.

Ал эми кайрылууларда көтөрүлгөн маселелердин мазмуну боюнча 2020-жылы 2019-жылга салыштырмалуу банк түзүмдөрүнүн, микрокредиттик компаниялардын иши  (кредиттердин төлөө мөөнөтүн узартуу же пайызын   азайтуу) боюнча кайрылуулардын саны кескин өскөндүгү байкалат: эгерде 2019-жылы – 45 кайрылуу келсе, 2020-жылы – 461 кайрылуу келген.  

Айрым багыттагы маселелер боюнча дагы кайрылуулардын саны жогорулаган, мисалы: социалдык кызматтардын иши, пенсия, жеңилдиктер, жөлөкпулдар жана материалдык жардам көрсөтүү тууралуу (2020-жылы – 489, 2019-жылы – 310), мамлекеттик органдардын жана жергиликтүү өз алдынча башкаруу органдарынын иштери жөнүндө (2020-жылы – 169,      2019-жылы – 138), кадрдык маселелер жөнүндө (2020-жылы – 210,  2019-жылы – 177), укук коргоо жана коопсуздукту камсыздоо   (2020-жылы – 323, 2019-жылы – 306), саламаттык сактоо (2020-жылы – 173, 2019-жылы – 147).

Кыргыз Республикасынын Өкмөтүнүн Аппаратына келип түшкөн кайрылуулар мыйзамда белгиленген тартипте катталат жана Кыргыз Республикасынын Өкмөтүнүн Аппаратынын түзүмдүк бөлүмдөрүнө, Кыргыз Республикасынын министрликтерине жана ведомстволоруна (компетенциясы боюнча), Кыргыз Республикасынын Өкмөтүнүн облустардагы ыйгарым укуктуу өкүлдөрүнө, Бишкек жана Ош шаарларынын мэрлерине кароого жана аткарууга берилет, бул кайрылууларда коюлган бардык маселелер боюнча арыз берүүчүлөргө жооп кайтарууга мүмкүндүк берет.

Жазуу жүзүндөгү кайрылуулардан сырткары 2020-жылдын 1-январынан 31-декабрына чейинки мезгилде Кыргыз Республикасынын Премьер-министринин коомдук кабылдамасына 1948 жаран, анын ичинде  2020-жылдын 1-октябрынан 31-декабрына чейин 1499 жаран кайрылган.   296 жаранды Кыргыз Республикасынын Өкмөтүнүн жетекчилери, 695 жаранды Кыргыз Республикасынын Өкмөтүнүн Аппаратынын тармактык бөлүмдөрүнүн кызматкерлери кабыл алган, 957 жаранга канцеляриянын жарандардын кайрылуулары секторунун кызматкерлери тарабынан  түшүндүрмөлөр жана аларды кызыктырган суроолор боюнча консультациялар берилген.