Шрифттин өлчөмү
Аралык
Сүрөттөр
Кыргыз Республикасынын мамлекеттик органдарына
ЖАРАНДАРДЫН ЭЛЕКТРОНДУК КАЙРЫЛУУЛАРЫНЫН ПОРТАЛЫ

Омурбекова Алтынай СейтбековнаКыргыз Республикасынын вице-премьер-министри

ИСМАИЛОВА АИДА ЖЕКШЕНБАЕВНА

Дареги: 720003, Абдумомунов көч.207
Веб-сайт жана Email : www.gov.kg 
Байланыш телефону : 0312 62-53-85
Факс : 0312 62-60-50

 

Ишмердүүлүгүн координациялайт

Кыргыз Республикасынын Саламаттык сактоо министрлигинин;

Кыргыз Республикасынын Билим берүү жана илим министрлигинин;

Кыргыз Республикасынын Маданият, маалымат жана туризм министрлигинин;

Кыргыз Республикасынын Эмгек жана социалдык өнүктүрүү министрлигинин;

Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттиктин;

Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиктин (этностор аралык мамилелер боюнча);

Кыргыз Республикасынын Өкмөтүнө караштуу Мамлекеттик миграция кызматынын;

Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын;

Кыргыз Республикасынын Өкмөтүнө караштуу Милдеттүү медициналык камсыздандыруу фондунун;

Кыргыз Республикасынын Социалдык фондунун;

Кыргыз Республикасынын Жогорку аттестациялык комиссиясынын;

"Кыргызтест" мамлекеттик мекемесинин;

"Кыргыз Туусу" басма үйүнүн;

"Слово Кыргызстана" басма үйүнүн;

"Эркин Тоо" гезитинин;

Кыргыз Республикасынын "ЭлТР" мамлекеттик телерадиоберүү компаниясынын.

(Социалдык блок)

Өкмөткө баш ийген мамлекеттик органдардын ишин, мамлекеттик стратегияларды жана программаларды аткаруу боюнча иштерди, ошондой эле тейлеген чөйрөлөрүндөгү өкмөттөр аралык комиссиялардын иштерин координациялайт.

Тейлеген чөйрөлөрүндө мамлекеттик органдардын демилгелерине макулдук берет.

Тейлеген тармактарында Кыргыз Республикасынын Премьер-министри тарабынан дайындоого каралып жаткан талапкерлер боюнча сунуштарды киргизет.

Тейлеген чөйрөлөрүндөгү маселелерди иштеп чыгуу үчүн жумушчу топторду түзөт.

Социалдык саясат, социалдык кепилдиктер, миграция, эмгек, ишке орноштуруу, үй-бүлө, балдар, жаштар, санитардык көзөмөл, билим берүү, илим, спорт, саламаттык сактоо чөйрөлөрүндөгү саясат, этностук өнүктүрүү, гендердик саясат, маданиятты өнүктүрүү, басма сөз жана телерадиоберүү, маалыматтык саясат, жогорку квалификациялуу илимий жана илимий-педагогикалык кадрларды аттестациялоо иштери боюнча маселелерди координациялайт.

Мамлекеттик социалдык камсыздандыруу жана пенсиялык камсыздоо маселелерин координациялайт.

Этностор аралык мамилелер, интеллектуалдык менчикти, инновацияларды жана салттуу билимдерди коргоо тармагындагы бирдиктүү мамлекеттик саясатты камсыздоо маселелерин координациялайт.

Кыргыз Республикасынын Президентине караштуу Мамлекеттик тил боюнча улуттук комиссия, Кыргыз Республикасынын Улуттук илимдер академиясы, Кыргыз Республикасынын Дин иштери боюнча мамлекеттик комиссиясы, "Кыргызстан элинин Ассамблеясы" коомдук бирикмелер ассамблеясы, Кыргызстан профсоюздар федерациясы, жалпыга маалымдоо каражаттары, жарандык коомчулук менен Өкмөттүн өз ара байланышта иштешүүсүн камсыз кылат.

1976-жылдын 17-декабрында Фрунзе шаарында мугалимдин үй-бүлөөсүндө төрөлгөн. Атасы Исмаилов Жекшенбай көп жылдар бою билим берүү тармагында эмгектенген, ал эми апасы Ургазиева Кузипа балдарды тарбиялоо менен алектенген.

Орто билимди 1984-1994-жылдары Бишкек шаарынын № 62 мектебинде билим алган. Жогорку билимди Бишкек гуманитардык университетинин «Чыгыш таануу» факультетинен 1999-жылы «экономист-чыгыш таанучу»  кесибин алып чыккан (адистештиги-Кореянын экономикасы).

Эмгек жолун 1997-жылы, студенттик кезден баштаган. «Баласагын» жеке менчик мектебинде корей тилинен мугалим болуп эмгектенген;

1998-2002-жылдары «Пхурыл Киль» ЖЧКсында котормочу болуп иштеген;

2002-2005-жылдары «Хануль» ЖЧКсында негизги менеджер, котормочу адистигин ээлеп турган;

2005-2006-жылдары «Венчур Си энд Си Плаза» компаниясында котормочу;

2006-2008-жылдары «Венчур Си энд Си Плаза» компаниясында негизги менеджер – котормочу;

2006-2010-жылдары кореялык PARK8 OPC Компаниясынын Кыргызстандагы

 жергиликтүү өкүлү болуп ишин уланткан;

2011-2015-жылдары «Silk road services» ЖЧКсынын генералдык директору.

2015-жылдын октябрь айынан тарта Кыргыз Республикасынын Жогорку Кеңешинин VI чакырылышынын депутаты.

VI чакырылыштагы Кыргыз Республикасынын Жогорку Кеңешинин социалдык маселелер, билим берүү, илим, маданият жана саламаттык сактоо боюнча комитетинин мүчөсү, ошондой эле Кыргызстан-Корея депутаттык достук тобунун жетекчиси.